Plantun de Prouvènço

Pèr coumpara dos planto d'encò nostre

Echium calycinum & Valerianella discoidea

fotò
fotò
Suçamèlo(-di-lòngui-sepalo)

Echium calycinum

Boraginaceae

Nom en français : Vipérine à calice persistant.

Descripcioun :
Aquelo suçamèlo trachis dins li tepiero e li roucaio trepado proche de la mar. Es uno planto basso en rouseto la proumiero annado e que trachis un pau mai la segoundo. Li flour soun pelouso, roso-vióuleto à la debuto, pièi bluio après. Li sepalo countunion de crèisse un cop la flour passido, ço que i'a douna soun noum.

Usanço :
Couneissèn pas d'usanço particuliero pèr aquelo planto. Li flour soun bessai bono à suça coume pèr sa cousino. Escriéure au site se n'en sabès mai.

Port : Erbo
Taio : 3 à 20 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Echium
Famiho : Boraginaceae


Ordre : Ordre pas nouma

Coulour de la flour : Vióuleto
Petalo : irreguliero
Ø (o loungour) flour : 4 à 8 mm
Flourido : Printèms

Sòu : Ca
Autour basso e auto : 0 à 50 m
Aparado : Noun
Remarco : Planto de coustiero
Febrié à mai

Liò : Pelouso - Roucaio - Trepadou - Mar
Estànci : Termoumediterran à Mesoumediterran
Couroulougi : Estenoumediterrano
Ref. sc. : Echium calycinum Viv., 1804

fotò
fotò
Grasseto

Valerianella discoidea

Caprifoliaceae Valerianaceae

Àutri noum : Douceto, Greisseto, Pan-froument, Pan-dóu-bon-Diéu.

Noms en français : Doucette discoïde, Mâche à disque.

Descripcioun :
La grasseto trachis dins li tepiero seco, lis ermas e l'areno proche de mar, ounte flouris à la primo. Es uno pichoto planto de l'an, proun ramificado, que douno d'èr à sa cousino la douceto. Fai de flour roso. Se recounèis e se destrìo dóu passeroun, Valerianella coronata emé si courouno dóu calice clafis de péu (vèire la fotò à man drecho).

Usanço :
Dèu agué li mémi prouprieta que la douceto. Èi peréu uno bono ensalado champanello.

Port : Erbo
Taio : 5 à 20 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Valerianella
Famiho : Caprifoliaceae
Famiho classico : Valerianaceae

Ordre : Dipsacales

Coulour de la flour : Roso
Petalo : 5
Ø (o loungour) flour : 1 mm
Flourido : Printèms

Sòu : Ca
Autour basso e auto : 0 à 700 m
Aparado : Noun
Remarco : Ensalado champanello
Abriéu à jun

Liò : Tepiero seco - Champ - Sablo - Ermas
Estànci : Termoumediterran à Subremediterran
Couroulougi : Estenoumediterrano
Ref. sc. : Valerianella discoidea (L.) Loisel., 1810

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
C
CC
CC
CC
C
C
R
RR

Echium calycinum & Valerianella discoidea

ges
RR
ges
RR
RR
ges
ges
ges

Coumpara Suçamèlo(-di-lòngui-sepalo) emé uno autro planto

fotò

Coumpara Grasseto emé uno autro planto

fotò